ریاض (این این آئی)سعودی عرب میں یورپی یونین کے چوتھے فلم فیسٹیول کا آغاز ہوگیا جس میں نامور فلمی ستارے، پروڈیوسر، ہدایتکار اور دیگر اہم شخصیات شرکت کر رہی ہیں فلم فیسٹول میں مختلف فلموں کی نمائش گیارہ نومبر تک جاری رہے گی۔ریاض میں چوتھے یورپی یونین فلم فیسٹیول میں سعودی فلم کمیشن، واکس سنیما کے عہدیداروں سمیت دیگر اہم سعودی شخصیات نے شرکت کی جبکہ نامور یورپی فلمی ستاروں کے ساتھ ساتھ سعودی انٹرٹینمنٹ انڈسٹری سے تعلق رکھنے والے والے افراد شریک ہوئے جبکہ نامور فلم پروڈیوسر اور ڈائریکٹرز بھی فیسٹول کا حصہ ہیں۔
اس موقعہ پر یورپین یونین کے سفیر کرسٹوف فرنوڈ کا کہنا تھا کہ سعودی عرب میں منعقدہ یورپی یونین فلم فیسٹیول کا چوتھا ایڈیشن مشرق وسطی کا اپنی نوعیت کا انتہائی اہم فیسٹیول ہے جس میں ایکشن،ڈرامہ، کامیڈی اور اینیمیٹڈ فلمیں دیکھائی جائیں گی، جس سے یہاں آنے والوں کو تفریحی سے بھرپور ماحول میسر آئے گا۔ فلم فیسٹیول میں لٹیوا کی آسکر ایوارڈ اینیمیٹڈ فلم فلوپیش کی گئی جس کو فلم بینوں نے بے حد پسند کیا افتتاحی تقریب کے دیگر مقررین میں عربیہ پکچرز کے چیئرمین ، سی ای اواور سعودی اداکارہ ثمر شیشہ نے اظہار کیا اور یورپین فلم فیسٹیول کے انعقاد کو سراہا۔
