اسلام آباد (نیوز ڈیسک)فلپائن کے وسطی ساحلی حصے کو شدید زلزلے نے ہلا کر رکھ دیا۔ غیر ملکی خبر رساں اداروں کے مطابق زلزلے کی شدت ریکٹر اسکیل پر 6.9 ریکارڈ کی گئی، جس کے نتیجے میں کم از کم 60 افراد جاں بحق اور تقریباً 150 زخمی ہوئے۔امریکی جیولوجیکل سروے نے بتایا کہ جھٹکے مقامی وقت کے مطابق رات 10 بجے محسوس کیے گئے۔ زلزلے کا مرکز شہر بوگو کے شمال مشرق میں تقریباً 17 کلومیٹر دور جبکہ گہرائی 10 کلومیٹر تھی۔ زلزلے کے بعد متعدد آفٹر شاکس بھی ریکارڈ ہوئے جس کے باعث شہری گھبراہٹ میں گھروں سے باہر نکل آئے۔

عینی شاہدین کے مطابق زلزلے سے کئی عمارتیں زمیں بوس ہو گئیں۔ ایک اسپورٹس کمپلیکس میں جاری باسکٹ بال میچ کے دوران عمارت گرنے سے متعدد افراد ملبے تلے دب گئے۔ متاثرہ علاقوں میں چرچز، پلوں اور سڑکوں کو بھی شدید نقصان پہنچا ہے۔سیبو صوبے میں حکام نے ہنگامی صورتحال نافذ کر دی ہے اور آج کے لیے تمام اسکولز اور سرکاری دفاتر بند رکھنے کا اعلان کیا گیا ہے۔ ریسکیو ٹیمیں ملبہ ہٹانے کے کام میں مصروف ہیں اور بھاری مشینری دیگر علاقوں سے متاثرہ مقامات پر روانہ کی جا رہی ہے۔ڈیزاسٹر مینجمنٹ حکام کے مطابق کچھ حصوں میں بجلی اور ٹیلی کمیونیکیشن سسٹم متاثر ہوا ہے جس کی وجہ سے امدادی کارروائیوں میں مشکلات درپیش ہیں۔ متاثرین کے لیے ادویات، پینے کا پانی اور بنیادی اشیائے ضرورت بھی بھیجی جا رہی ہیں۔ حکام نے خدشہ ظاہر کیا ہے کہ ہلاکتوں کی تعداد میں مزید اضافہ ہو سکتا ہے۔

M6.9 earthquake SHAKES Cebu, Philippines

Quake takes out lights as people panic and animals flee in terror

Emergency workers inspecting damage across the region pic.twitter.com/rgYv5BfvqJ

— RT (@RT_com) September 30, 2025