چشتیاں (نیوزڈیسک) چشتیاں کے نواحی علاقہ وارث کالونی میں رات گئے تین نا معلوم نقاب پوش مبینہ اغواءکاروں نے پاکستان مسلم لیگ (ن) کے امیدوار جنرل کونسلر کو گن پوائنٹ پر اغواءکر کے گاڑی میں ڈال کر فرار ہو گئے۔ اغواءکی خبرشہرمیںجنگل کی آگ کی طرح پھیل گئی اوردوسرے امیدوار بھی خوف وہراس کاشکار ہوگئے۔اغواءکی واردات کی اطلاع ملنے پر رات بھرپولیس اغواءکاروں کی تلاش میں رہی لیکن کوئی سراغ نہیں مل سکا اور پندرہ گھنٹے بعد اغواءکاروں نے مبینہ طور پر مغوی امیدوار کو چک چوپہ کے علاقے میں پھینک دیا۔ راہگیروں کی اطلاع پر ورثاءاور حلقہ کے لوگوں نے مغوی کو تھانہ سٹی چشتیاں پہنچایا۔ بیان کیا جاتا ہے کہ وارث کالونی کا رہائشی مغوی ملک عنائیت اللہ بلدیاتی انتخابات میں یونٹ نمبر 24ن لیگی ایم پی اے باجوہ گروپ سے جنرل کونسلر کا امیدوار ہے وقوعہ کے وقت اپنے سپورٹر کے ہمراہ ذاتی گاڑی پر الیکشن کمپین پر جا رہے تھے کہ راستے میں تین نامعلوم مبینہ اغواءکاروںنے گن پوائنٹ پر ان کی گاڑی کو روک کر امیدوار ملک عنائیت اللہ کا کپڑے سے منہ باندھ کر اپنی گاڑی میں سوار کر کے اور اس کے ساتھی امجد جاوید کو رسیوں سے باندھ کر پھینک کر فرار ہو گئے ۔جس کے بعد علاقے میں امیدوار کا اغواءموضوع ِ بحث بنا رہا اورآخر کار مغوی چک چوپہ کے علاقہ سے مل گیا۔ چشتیاں کے عوامی سماجی اور سیاسی حلقوں نے پولیس افسران سے اپنے مطالبے میں کہا ہے کہ امیدوار جنرل کونسلرکا مبینہ اغواءاور مغوی کی بازیابی کی تفتیش کر کے اصل حقائق عوام کے سامنے لائے جائیں۔