نئی دہلی (نیوز ڈیسک) بی جے پی اور شیو سینا میں خلیج مزید بڑھ گئی ہے۔ آج شیو سینا نے ایک پوسٹر جاری کیا ہے جس میں نریندر مودی شیوسینا کے سابق رہنما بال ٹھاکرے کے سامنے جھکے ہوئے ہیں۔ ایک اور تصویر میں بھی نریندر مودی شیوسینا چیف کے سامنے جھکے ہوئے ہیں۔ پہلے یہ پوسٹر سینا بھون کے سامنے لگایا گیا جسے بعد میں ہٹا دیا گیا۔ اپنے ردعمل میں شیوسینا کے رہنما راجندر روت نے کہا ہے کہ اس پوسٹر کا مقصد صرف پرانے دنوں کو یاد کرنا تھا ناں کہ کسی کی تضحیک کرنا۔ انہوں نے مزید کہا ان دنوں ہر جگہ شیوسینا کو تنقید کا نشانہ بنایا جا رہا ہے اور ہمارا خیال ہے کسی سے اتحاد نہیں ہوسکتا مگر حتمی فیصلہ قیادت کرے گی۔ بی جے پی کے گریش راج کا کہنا ہے اگر شیو سینا سمجھتی ہے کہ ہم اودو جی اور ادھیتیا جی سے بھی ویسا ہی سلوک کریں گے جیسے بالا صاحب سے کیا تو شیو سینا غلطی پر ہے۔