پیٹربورو(نیوز ڈیسک) لبرل کی مریم مونسیف پیٹر بورو کی پہلی خاتون وزیر منتخب ہوگئی ہیں۔ وہ پہلی نمائدہ خاتون ہیں۔ انہوںنے پیٹر بوروکرواتھا سے وزیر ڈین ڈیل ماسٹر وکی جگہ لی ہے۔انہوںنے کنزرویٹو امیدوار مائیکل سکنر کو پانچ ہزار تین سو چوالیس ووٹوںسے شکست دی ہے۔ ان کی عمر30 برس ہے وہ اونٹاریو کے حلقے میں کم عمر ترین وزیر ہیں۔ مونسیف کا کہنا ہے کہ کینیڈینز تبدیلی کے خواہاں تھے انہوںنے دل کی آواز سنی اور مجھے ووٹ دئے۔انہوںنے خوف اور دباو کی سیاست مسترد کی۔ ٹرینٹ یونیورسٹی گریجویٹ اپنی والدہ اور دوبہنوں کے ساتھ1996 میں کینیڈا آئی۔ وہ اس وقت گیارہ برس کی تھی۔ ان کاخاندان پیٹر بورو میں سکونت اختیار کرگیا۔ وہ دارالعوام میں شامل 87 خواتین میں شامل ہوگئیں ہیں جو ایک نیا ریکارڈ ہے۔