ریاض(این این آئی )عالمی ٹیک کمپنی گوگل نیاعلان کیا کہ وہ سعودی عرب میں یونیورسٹی کے طلبا کو اپنے جنریٹو اے آئی ٹول، جیمنی کے پرو ورژن کے ایک سال کی مفت سبسکرپشن کی پیشکش کر رہی ہے۔
عرب نیوز کے مطابق اس سبسکرپشن کی مالیت 860ریال ہے، اور طلبا کو انٹرایکٹو آڈیو اور ویڈیو سیکھنے کے ٹولز اور جدید تحقیقی خصوصیات تک رسائی فراہم کرتی ہے جو اسائنمنٹ بنانے اور امتحان کی تیاری کے لیے استعمال کی جا سکتی ہیں۔ویو تھری کا جیمنی پرو ورژن صارفین کو متن یا تصاویر کو آٹھ سیکنڈ کی ویڈیوز میں تبدیل کرنے کی سہولت فراہم کرتا ہے۔
