واشنگٹن (این این آئی)ڈونلڈ ٹرمپ جونیئر اور ایرک ٹرمپ کی کمپنی امریکن بٹ کوائن کے شیئرز، گریفون ڈیجیٹل مائننگ کے ساتھ شراکت کے چند گھنٹوں میں 60 فیصد بڑھ کر قیمت 6.90 ڈالر سے 11 ڈالر تک جا پہنچی،امریکن بٹ کوائن نے 2.1 بلین ڈالر کی نئی ایکویٹی ریزنگ کا منصوبہ بنایا ہے، تاکہ بٹ کوائن مائننگ آپریشنز کو وسعت اور کمپنی کے بٹ کوائن ہولڈنگز میں اضافہ کیا جا سکے۔

ڈونلڈ ٹرمپ جونیئر اور ایرک ٹرمپ کی کمپنی اب تک 2,443 بٹ کوائنز اپنے خزانے میں جمع کر چکا ہے، جن کی موجودہ قیمت 160 ملین ڈالر سے زائد ہے۔کمپنی کا ماڈل مائننگ کے ساتھ بٹ کوائن کو بطور اثاثہ رکھنے پر مبنی ہے، جیسے دیگر بڑی کمپنیاں مثلا Marathon Digital کرتی ہیں۔مارچ 2025 میں ٹرمپ برادران کے امریکن ڈیٹا سینٹرز اور کینیڈین مائنر Hut 8 کے اشتراک سے یہ کمپنی وجود میں آئی، معاہدے کے تحت Hut 8 کے پاس 80 فیصد ملکیت ہے۔امریکن بٹ کوائن کی اس شاندار شروعات کو 2025 کی سب سے بڑی ہائبرڈ کرپٹو مارکیٹ کامیابیوں میں شمار کیا جا رہا ہے۔