اسلام آباد (نیوز ڈیسک) مدھیہ پردیش کے شہر اندور میں واقع ایک سرکاری اسپتال میں افسوسناک واقعہ سامنے آیا جہاں انتہائی نگہداشت وارڈ (آئی سی یو) میں زیرعلاج دو نومولود بچوں کو چوہے نے کاٹ لیا۔بھارتی میڈیا کی اطلاعات کے مطابق ایک بچی جس کا وزن تقریباً 1.2 کلوگرام تھا، نمونیا کے علاج کے لیے داخل تھی جبکہ دوسرا نومولود 1.6 کلوگرام وزن کے ساتھ وینٹی لیٹر پر زیر علاج تھا۔

دونوں کو چوہے نے ہاتھ اور کندھے پر کاٹا۔اسپتال انتظامیہ نے مؤقف اپنایا کہ بچی کی موت چوہے کے حملے کی وجہ سے نہیں ہوئی، تاہم اس واقعے نے حفاظتی اقدامات میں سنگین کوتاہی کو بے نقاب کر دیا ہے۔ واقعے کے بعد دو نرسوں کو معطل کر دیا گیا۔انتظامیہ کے مطابق گزشتہ دنوں اسپتال کے اطراف بارش کا پانی جمع ہونے اور سیوریج لائن ٹوٹنے کے سبب وارڈ میں چوہوں کی موجودگی کی شکایات سامنے آ رہی تھیں۔