دبئی (نیوزڈیسک)متحدہ عرب امارات کے نائب صدر، نائب وزیر اعظم اور حاکم دبئی الشیخ محمد بن راشد آل مکتوم ایک سروے کے ذریعے مقامی شہریوں اور غیر ملکیوں سے ان کی رائے جانچنے کی کوشش میں مصروف ہیں۔میڈیارپورٹس کے مطابق سروے کا اہتمام دبئی پولیس نے ایس ایم ایس سروس کے ذریعے کیا۔ اس سروے کا عنوان HappyCity رکھا گیا ہے۔ اس میں شہریوں کو دبئی میں اپنی سکونت کے حوالے سے درجہ بندی کے لئے کہا گیا ہے۔ سروے میں رائے دینے کے لئے ساکناں دبئی خوش، غمزدہ یا غیر جانبدار جیسے آپشنز استعمال کر کے ووٹ ڈال سکتے ہیں۔حالیہ سروے الشیخ محمد بن راشد آل مکتوم کی جانب سے شہریوں اور مقیم غیر ملکی تارکین وطن کی راحت، فلاح وبہبود کے سلسلے میں شروع کئے گئے متعدد منصوبوں میں سے ایک ہے۔