اسلام آباد (نیوز ڈیسک)ترکیہ کے شہر استنبول میں واقع تاریخی آیا صوفیہ مسجد کو آگ لگانے کی کوشش کو بروقت کارروائی کرتے ہوئے ناکام بنا دیا گیا۔ واقعے میں ملوث شخص کو سیکیورٹی اداروں نے گرفتار کر لیا ہے۔ترک ذرائع ابلاغ کے مطابق یہ واقعہ 11 جولائی کی شب اس وقت پیش آیا جب عشاء کی نماز کے بعد مسجد میں نمازیوں کی تعداد کم ہو چکی تھی۔ فوٹیج میں دیکھا گیا کہ مشتبہ شخص بغیر کسی قابلِ اشتعال مواد کے مسجد میں داخل ہوا اور سیکیورٹی چیک پوائنٹ سے باآسانی گزر گیا۔ اس کے پاس جیبوں میں کاغذ کے چھوٹے ٹکڑے موجود تھے۔
مذکورہ شخص نے منبر کی طرف جانے کے بجائے مسجد کے ایک ستون کے پیچھے جا کر ان کاغذات کو پھاڑا اور آگ لگا دی، اور پھر وہاں سے نکل گیا۔ خوش قسمتی سے مسجد میں موجود ایک خاتون نے دھواں دیکھ کر فوری طور پر امام مسجد کو خبر دی، جنہوں نے فوراً سیکیورٹی رکاوٹیں ہٹا کر موقع پر پہنچ کر آگ بجھانے کی کوشش کی اور جلتا ہوا قالین ہٹا دیا، جس سے مسجد کسی بڑے نقصان سے بچ گئی۔یاد رہے کہ آیا صوفیہ مسجد کو 1500 سال سے زائد کا تاریخی ورثہ حاصل ہے اور اس واقعے سے عالمی سطح پر بھی تشویش پیدا ہوئی۔پولیس حکام نے بعدازاں کارروائی کرتے ہوئے مشتبہ شخص کو شناخت کر کے حراست میں لے لیا ہے، اور مزید تفتیش جاری ہے۔
Attempt to set fire to Hagia Sophia Mosque!
A man entered Hagia Sophia Mosque in Istanbul and set papers on fire behind the reading desk after the evening prayer.
A woman who noticed the fire informed the Imam, and a member of the congregation intervened and the flames were… pic.twitter.com/xTT43nCSPh
— DOAM (@doamuslims) August 5, 2025
