کابل (نیوزڈیسک)افغان وزیر دفاع معصوم ستنکزئی کی معصومیت،امریکی بربریت کا ذمہ داربھی پاکستان کو ٹھہرادیا،افغانستان کے قائم مقام وزیر دفاع معصوم ستنکزئی نے کہا ہے کہ امریکی فورسز نے قندوز میں جس ةسپتال کو نشانہ بنایا وہاں حکومت سے برسرپیکار جنگجو موجود تھے۔معصوم ستنکزئی نے پیر کو کہا کہ طالبان جنگجو اور ممکنہ طور پر پاکستانی آلہ کار قندوز میں ڈاکٹرز ودآوٹ بارڈرز کے ہسپتال کو محفوظ پناہ گاہ کے طور پر استعمال کر رہے تھے۔معصوم ستنکزئی نے کہا کہ اسپتال کی عمارت کے گرد چار دیواری پر طالبان نے اپنا جھنڈا لہرایا تھا۔ انہوں نے کہا کہ افغانستان ا ±س آزادانہ تحقیقات کی حمایت نہیں کرے گا جس کا مطالبہ ڈاکٹرز ودآو ¿ٹ بارڈرز نے کر رکھا ہے۔واضح رہے کہ گزشتہ ہفتے پاکستان نے ذرائع ابلاغ میں آنے والی ان خبروں کی سختی سے تردید کی تھی جن میں کہا گیا تھا کہ افغان شہر قندوز میں امریکی فضائی بمباری کا نشانہ بننے والے ہسپتال میں ایک پاکستانی آلہ کار بھی موجود تھا جو شدت پسندوں کی سرگرمیوں کو منظم کرنے کے لیے اس شفاخانے کو استعمال کر رہا تھا۔