اسلام آباد (نیوز ڈیسک) ) فرانس کی ایک عدالت نے ایک گائناکولوجسٹ ڈاکٹر کو اپنی 10 خواتین مریضوں کے ساتھ جنسی زیادتی کرنے کے جرم میں 10 سال قید کی سزا سنائی ہے۔ وکیل آریلی زاکر کے مطابق یہ سزا اُن نو خواتین کے ساتھ ریپ کے الزام میں سنائی گئی جنہوں نے عدالت میں اپنے بیانات ریکارڈ کروائے۔

خبر ایجنسی اے ایف پی کے مطابق یہ مقدمہ مشرقی فرانس کے علاقے ہاوت ساووہ کی عدالت میں چلا، جہاں ڈاکٹر پر الزام تھا کہ اس نے میڈیکل معائنے کے دوران خواتین کا جنسی استحصال کیا۔ تیس خواتین نے اس کے خلاف شکایات درج کرائی تھیں، جن میں سے چار نے واضح طور پر الزام لگایا کہ ڈاکٹر نے ان کے ساتھ زیادتی کی، جبکہ دیگر خواتین نے بتایا کہ انہیں بلاجواز ریکٹل معائنے یا مبینہ ” مساج” کا نشانہ بنایا گیا، جسے ڈاکٹر نے طبی لحاظ سے ضروری قرار دیا۔وکیل آریلی زاکر نے عدالت میں کہا: “معائنے کے دوران جو جنسی عمل ہوا، وہ طبی نوعیت کا نہیں تھا بلکہ سراسر جنسی استحصال تھا۔” ان کا مزید کہنا تھا کہ “میرے تین مؤکلوں کو عدالت نے متاثرہ تسلیم کیا ہے، انہیں سنا گیا ہے اور ان پر یقین کیا گیا ہے۔ اب وہ اپنی زندگی دوبارہ تعمیر کر سکتے ہیں۔”