ریاض (این این آئی)سعودی عرب کی جنرل اتھارٹی برائے شماریات کی جانب سے جاری کردہ اعداد و شمار کے مطابق سال 2025 کی پہلی سہ ماہی میں سعودی شہریوں اور غیر ملکیوں پر مشتمل مجموعی بے روزگاری کا تناسب2.8 فیصد ریکارڈ کی گیا، جو کہ ملکی تاریخ کی کم ترین سطح ہے۔میڈیارپورٹس کے مطابق یہ شرح پچھلی سہ ماہی یعنی 2024 کی چوتھی سہ ماہی کے مقابلے میں 0.7 پوائنٹس کم رہی، اور سالانہ اعتبار سے بھی اسی شرح سے کمی ہوئی۔سعودی شہریوں میں بے روزگاری کی شرح پہلی سہ ماہی میں 6.3 فیصد ریکارڈ کی گئی، جو تاریخ کی کم ترین سطح ہے۔ یہ شرح 2024 کی چوتھی سہ ماہی کے مقابلے میں 0.7 پوائنٹس اور سالانہ بنیاد پر 1.3 پوائنٹس کم رہی۔
اعداد و شمار کے مطابق پہلی سہ ماہی میں سعودی شہریوں میں روزگار حاصل کرنے والے افراد کا تناسب 0.5 پوائنٹس بڑھ کر 48.0 فیصد تک پہنچا، جو کہ پچھلی سہ ماہی اور پچھلے سال کی اسی مدت کے مقابلے میں بہتری کی علامت ہے۔اسی طرح، سعودی شہریوں کی مجموعی افرادی قوت میں شرکت کی شرح 0.2 پوائنٹس کے اضافے سے 51.3 فیصد رہی، اگرچہ یہ سالانہ بنیاد پر 0.1 پوائنٹس کم ہے۔جبکہ سعودی اور غیر سعودی دونوں کو شامل کرتے ہوئے مجموعی افرادی قوت میں شرکت کی شرح 68.2 فیصد ریکارڈ کی گئی، جو پچھلی سہ ماہی کے مقابلے میں 1.8 پوائنٹس اور سالانہ بنیاد پر 2.2 پوائنٹس زیادہ ہے۔ہ2025 کی پہلی سہ ماہی میں سعودی خواتین کی افرادی قوت میں شرکت 0.3 پوائنٹس کے اضافے سے 36.3 فیصد تک پہنچ گئی، جبکہ ان میں روزگار پانے والی خواتین کا تناسب 0.7 پوائنٹس بڑھ کر 32.5 فیصد ہوگیا۔ دوسری جانب، خواتین میں بے روزگاری کی شرح 1.4 پوائنٹس کی کمی سے 10.5 فیصد رہی۔
سعودی مردوں کے حوالے سے رپورٹ میں بتایا گیا کہ افرادی قوت میں ان کی شرکت 0.2 پوائنٹس کے اضافے سے 66.4 فیصد رہی، جب کہ روزگار یافتہ مردوں کا تناسب 63.8 فیصد تک پہنچا۔ ان میں بے روزگاری کی شرح کم ہو کر 4.0 فیصد رہ گئی۔15 سے 24 سال کی عمر کی سعودی خواتین میں ملازمت حاصل کرنے کا تناسب 0.7 پوائنٹس کے اضافے سے 14.6 فیصد ریکارڈ کیا گیا، جب کہ افرادی قوت میں ان کی شرکت 1.1 پوائنٹس بڑھ کر 18.4 فیصد تک پہنچی۔ تاہم، اسی عمر کی خواتین میں بے روزگاری کی شرح 0.8 پوائنٹس بڑھ کر 20.7 فیصد ہو گئی۔اس کے برعکس، نوجوان سعودی مردوں میں ملازمت کا تناسب 0.5 پوائنٹس کم ہو کر 29.2 فیصد اور افرادی قوت میں شرکت 0.8 پوائنٹس کم ہو کر 33.0 فیصد ہو گئی۔
ان میں بے روزگاری کی شرح 0.6 پوائنٹس کم ہو کر 11.6 فیصد ریکارڈ کی گئی۔25 سے 54 سال کی عمر کے سعودی مرد و خواتین میں ملازمت حاصل کرنے کا تناسب 1.0 پوائنٹس کے اضافے سے 65.9 فیصد تک پہنچ گیا، جبکہ افرادی قوت میں شرکت 0.4 پوائنٹس بڑھ کر 69.6 فیصد رہی۔ بے روزگاری کی شرح کم ہو کر 5.4 فیصد رہ گئی۔رپورٹ کے مطابق، 94.8 فیصد سعودی بے روزگار افراد نجی شعبے میں ملازمت کی پیشکش قبول کرنے کو تیار ہیں۔ 58.7 فیصد خواتین اور 40.4 فیصد مرد بے روزگار ایسے ہیں جو کام پر پہنچنے کے لیے زیادہ سے زیادہ ایک گھنٹے کی مسافت برداشت کر سکتے ہیں۔علاوہ ازیں 76.1 فیصد سعودی خواتین اور 86.3 فیصد سعودی مرد بے روزگاروں نے روزانہ آٹھ گھنٹے یا اس سے زیادہ کام کرنے پر آمادگی ظاہر کی ہے۔
