نئی دہلی (این این آئی)پہلگام فالس فلیگ آپریشن کے بعد بھارت کا مقبوضہ کشمیر کے رہائشیوں کو بے دخل کرنے کا منصوبہ بھی بے نقاب ہوگیا۔ذرائع کے مطابق بھارت مقبوضہ جموں و کشمیر کے رہائشیوں کو زبردستی بے دخل کرنے لگا، کشمیری پولیس اہلکار کی ویڈیو نے بھارتی منصوبہ بے نقاب کر دیا۔ذرائع کا کہنا تھا کہ مقبوضہ کشمیر کی پولیس میں خدمات انجام دینے والے کشمیری پولیس اہلکار نے اس حوالے سے احتجاج بھی ریکارڈ کروایا۔کشمیری اہلکار کا کہنا تھا کہ میں گزشتہ 27 سال سے جموں و کشمیر پولیس میں خدمات انجام دے رہا ہوں، ہائیکورٹ کے واضح احکامات ہیں کہ ہمیں جموں و کشمیر سے باہر نہیں بھیجا جائے گا لیکن پولیس کے اعلی حکام بھارتی ہائیکورٹ کا فیصلہ تسلیم نہیں کر رہے۔

اہلکار کا مزید کہنا تھا کہ ہمیں زبردستی جموں و کشمیر سے بے دخل کیا جا رہا ہے، میں آئی جی سے گزارش کرتا ہوں کہ ہماری بے دخلی کی کارروائی نہ کی جائے، میں نے ہر فورم پر اپنا مطالبہ پیش کیا مگر کوئی بھی شنوائی نہ ہو سکی اور بھارتی پاسپورٹ ہونے کے باوجود یہاں سے بیدخلی پر کیوں مجبور کیا جا رہا ہے۔کشمیری پولیس اہلکار کی اہلیہ کے بیان کے مطابق ہمارا پاکستان میں کوئی رشتہ دار نہیں ہے، پھر ہمیں کیوں بے دخل کیا جا رہا ہے؟ ہم یہاں 27 سال سے رہائش پذیر ہیں۔