نئی دہلی (این این آئی )بھارت میں سیاسی اور اقتصادی حالات کے اثرات بھارتی اسٹاک مارکیٹس پر شدید پڑے ہیں، جہاں کاروبار کے آغاز پر ہی گراوٹ دیکھی گئی۔سینسکس 30 انڈیکس ایک ہزار پوائنٹس سے زائد گر گیا، جبکہ نفٹی 50 انڈیکس میں 1.4 فیصد کی کمی آئی اور یہ 24,000 سے نیچے آگیا۔

بھارتی میڈیا رپورٹس کے مطابق سرمایہ کاروں میں شدید بے چینی پائی جا رہی ہے اور وہ گھبراہٹ کا شکار ہو کر مارکیٹ سے سائیڈ لائن ہونے کو ترجیح دے رہے ہیں۔اس کے علاوہ بھارتی روپیہ بھی بے قدری کا شکار ہے، اور ڈالر کے مقابلے میں انڈین روپے کی قیمت 85.26 روپے تک پہنچ گئی ہے۔ ماہرین کا کہنا تھا کہ روپے کی قیمت میں مزید کمی کا امکان ہے۔