ممبئی (این این آئی)سابق آسٹریلوی کرکٹر ڈیوڈ وارنر اپنی پہلی تیلگو فلم’رابن ہڈ’سے بھارتی سنیما میں قدم رکھنے والے ہیں جس کی ریلیز کی تاریخ سامنے آگئی ہے۔ڈیوڈ وارنر اپنی کرکٹ کی کامیابیوں کے لیے مشہور ہیں، میڈیا رپورٹس کے مطابق انہوں نے فلم میں ایک مختصر لیکن قابل ذکر کردار ادا کیا ہے، سابق کرکٹر فلم میں مختصر کردار میں نظر آئیں گے۔

میڈیا رپورٹس کے مطابق آسٹریلوی کرکٹر ڈیوڈ وارنر نے تیلگو فلم روبن ہڈ سے ڈیبیو کیلئے تیار ہیں ان کی پہلی بھارتی فلم رواں ماہ کی 28 تاریخ کو ریلیز ہوگی۔یاد رہے کہ گزشتہ دنوں آسٹریلیا کے اسٹار کرکٹر ڈیوڈ وارنر نے فلم کا پوسٹر اپنے سوشل میڈیا اکاو?نٹ پر شیئر کرتے ہوئے لکھا تھا کہ بھارتی سنیما میں آرہا ہوں۔انہوں نے اپنی پوسٹ میں مزید لکھا تھا کہ میں روبن ہڈ فلم کا حصہ بننے پر کافی پُرجوش ہوں اور اس میں کام کرکے بیحد لطف اندوز ہوا، کرکٹر اپنی فلم کی ریلیز 28 مارچ کو ہونے کا بھی اعلان کیا۔واضح رہے کہ فلم میں نیتھن اور سری لیلا نے مرکزی کردار ادا کیا ہے، یاد رہے ڈیوڈ وارنر بھارت میں آئی پی ایل کی وجہ سے بھارت میں کافی مشہور ہیں، ان کی تامل گانوں پر ڈانس کی ٹک ٹاک ویڈیوز کافی وائرل ہوچکی ہیں۔