اسلام آباد(نیوزڈیسک) وفاقی وزیرداخلہ چوہدری نثارعلی خا ن نے کہاہے کہ دنگافساد کی سیاست ملکی مفاد کے خلاف ہے ۔انہوں نے کہاکہ امیدکرتاہوں کہ تحریک انصاف پہلے تولے گی پھربولے گی ۔پریس کانفرنس سے خطاب کرتے ہوئے چوہدری نثارعلی خا نے کہاکہ کاش تحریک انصاف کھیل کرشکست تسلیم کرناسیکھ لے ۔انہوں نے کہاکہ کسی ووٹرکی درخواست کے بغیرکسی بھی ووٹ کوحلقے سے تبدیل نہیں کیاجاسکتا۔انہوں نے کہاکہ ووٹوں کی ایک حلقے سے دوسرے حلقے میں تبدیلی کی تحقیقات کررہے ہیں ۔انہوں نے کہاکہ حکومت نے تحریک انصاف کی طرف سے جوڈیشل کمیشن قائم کرنے کامطالبہ مانا۔انہوں نے کہاکہ سمجھ میں نہیں آتاکہ تحریک انصاف کس قسم کی سیاست کرناچاہتی ہے ۔انہوں نے کہاکہ تحریک انصاف کی قیادت کوبتاناچاہتاہوں کہ گالم گلوچ کرناسیاست نہیں بلکہ اسے فساد پیداہوتاہے جوکہ ملکی مفادکے خلاف ہوتاہے ۔کے دوران چودھری نثار علی خان نے این اے ایک سو بائیس کے انتخابی نتائج پر تحریک انصاف کی الزام تراشی کو بے بنیاد قرار دیا۔ کہتے ہیں الیکشن انتظامات کیلئے تمام مطالبات مانے پھر بھی دنگا فساد کا ماحول بنایا جا رہا ہے۔ وزیر داخلہ کا کہنا تھا کہ نان ایشوز پر حکومت کے ساتھ ساتھ قوم کا بھی وقت ضائع ہو رہا ہے۔ نادرا پر الزام تراشیاں درست نہیں ۔ سمجھ نہیں آتی کہ پی ٹی آئی کس طرح کی سیاست چاہتی ہے۔ چودھری نثار علی خان کا کہنا تھا کہ ووٹر کی درخواست کے بغیر اس کا ووٹ کسی بھی صورت منتقل نہیں ہو سکتا۔ تحریک انصاف شکست تسلیم کر لے یہی بڑے پن کی نشانی ہے۔