کراچی(این این آئی)سندھ حکومت نے شب برات کی مناسبت سے 14 فروری کو صوبے بھر کے تعلیمی اداروں میں تعطیل کا اعلان کردیا۔اس حوالے سے محکمہ تعلیم سندھ نے 14 فروری بروز جمعے کو عام تعطیل کا نوٹی فکیشن بھی جاری کردیا۔

جس میں لکھا گیا ہے کہ صوبے میں 15 شعبان کو تمام سرکاری و نجی تعلیمی ادارے بند رہیں گے۔نوٹی فکیشن میں واضح لکھا گیا ہے کہ 14 فروری کو تعطیل شب برات کی مناسبت سے دی جارہی ہے۔واضح رہے کہ ملک بھر میں شب برات 13 فروری بروز جمعرات کو بعد نماز مغرب مذہبی جوش و جذبے کے ساتھ منائی جائے گی۔