لاہور (نیوز ڈیسک) بھارتی میڈیا نے اپنے ملک کے ایک شہری کو پاکستانی ایجنٹ قرار دینے پر انتہاپسند ہندو تنظیم شیوسینا کو شدید تنقید کا نشانہ بنایا ہے۔ یہ صرف پاکستانی شہری ہی نہیں جنہیں اپنے ملک میں بڑی آسانی سے غدار اور بھارتی ایجنٹ قرار دیا گیا بلکہ سرحد کی د±وسری جانب بھارتی شہری بھی اپنے متنفر ہم وطنوں کی جانب سے پاکستانی اور آئی ایس آئی کے ایجنٹ قرار دیئے گئے۔ اپنے وجود کے پچاسویں سال میں شیوسینا نے کچھ دن قبل اپنے جنونی اور فاشسٹ رویہ کا ثبوت دیا جب بال ٹھاکرے خاندان کے وفاداروں نے پاکستان کے سابق وزیر خارجہ خورشید محمود قصوری کی کتاب کی تقریب رونمائی کے آرگنائزر معروف سیاست دان اور کالم نگار سدھیندرا کلکرنی کے منہ پر سیاہی مل دی۔ جنگ رپورٹر صابر شاہ کے مطابق وہ سابق وزیر اعظم اٹل بہاری واجپائی کی تقاریر لکھنے کے حوالے سے مشہور رہے۔ انہوں نے بی جے پی کے رہنماءاور سابق نائب وزیراعظم لال کشن ایڈوانی کے حکمت کار کی حیثیت سے بھی خدمات انجام دیں اور اب اچانک انہیں شیوسینا کی جانب سے پاکستانی ایجنٹ قرار دے دیا گیا۔ انڈین ایکسپریس کے مطابق شیوسینا نے آبزرور ریسرچ فاﺅنڈریشن ممبئی کے چیئرمین سدھیندرا کلکرنی پر حملے کی نہ صرف ذمہ داری قبول کی بلکہ دعویٰ کیا کہ پاکستانیوں کے معاملے میں کوئی سمجھوتہ نہیں کیا جائے گا کہ انہیں ممبئی میں تقریبات کی اجازت دی جائے۔ اگر کلکرنی کہتے ہیں کہ شیوسینا نے ایسا کیا ہے تو ہاں ایسا شیوسینا ہی نے کیا۔ مہاراشٹر میں ایسی جرات کوئی اور کیسےکرسکتا ہے۔ شیوسینا کے ایم پی سنجے راوت کے مطابق کلرکرنی کو پہلے ہی خبردار کر دیا گیا تھا۔انہوں نے الزام لگایا کہ کلکرنی پاکستانی ایجنٹ ہیں۔ ٹائمز آف انڈیا کے مطابق گو کہ پولیس نے سدھیندرا کلکرنی کے منہ پر سیاہی ملنے کے الزام میں 6 افراد کو گرفتار کیا ہے لیکن شیوسینا کے اندر عناصر کلکرنی سے بدسلوکی کو بڑا نرم اقدام قرار دیتے ہیں۔ ہندوستان ٹائمز نے لکھا کہ کلکرنی پر شیوسینا کا حملہ جمہوریت پر سیاہ داغ ہے۔ اکنامک ٹائمز کے مطابق اس واقعہ پر اپنے ردعمل میں کانگریس نے شیوسینا کو ”دیسی طالبان“ قرار دیا۔ ”دی ہندو“ نے لکھا کہ بال ٹھاکرے کے بیٹے نے سیاہی ملنے والے کو عزت بخشی، انڈیا ٹوڈے نے کلکرنی کے حوالے سے لکھا کہ وہ پاکستان کے نہیں بلکہ امن کے ایجنٹ ہیں۔ این ڈی ٹی وی نے شیوسینا کا موازنہ اجمل قصاب سے کیا۔ لیکن شیوسینا نے میڈیا پر اپنے خلاف ریمارکس کو کبھی برداشت نہیں کیا۔ جب نومبر 2009ئ میں شیوسینا کے ا?نجہانی سربراہ بال ٹھاکرے نے ”ممبئی تمام کا“ کا قرار دینے پر عالمی شہرت یافتہ کرکٹر سچن ٹنڈولکر کو شدید تنقید کا نشانہ بنایا۔