کراچی(نیوزڈیسک)کراچی میں 300 سے زائد دہشتگردوں کی موجودگی کا انکشاف ہوا ہے۔ خفیہ اداروں نے رپورٹ اعلی حکام کو ارسال کردی ہے۔شہر قائد میں 300سے زائد دہشتگردوں کی موجودگی کا انکشاف ہوا ہے ۔ خفیہ اداروں نے اعلی حکام کو رپورٹ ارسال کر دی ہے ۔ رپورٹ کے مطابق شہر میں دس کالعدم تنظیمیں کام کر رہی ہیں جن کے 66 کمانڈرز سرگرم عمل ہیں۔ ہر کمانڈر 5 سے 6 دہشت گردوں پر مشتمل گروپ چلا رہا ہے۔رپورٹ کے مطابق حکومت سندھ نے کچھ دہشت گردوں کے سر کی قیمت مقرر کر رکھی ہے۔جبکہ چند کالعدم تنظیموں کو سیاسی اور رفاہی اداروں کی معاونت بھی حاصل ہے۔ کچھ کالعدم تنظیمیں باہمی اشتراک سے کام کر رہی ہیں۔