ممبئی (این این آئی)جنوبی بھارتی فلم انڈسٹری کے اداکار سوریہ کی فلم کنگووا آسکر 2025کے امیدواروں کی فہرست میں شامل ہوگئی ہے۔بھارتی میڈیا رپورٹ کے مطابق تامل فلم کانگووا ایسی فلم ہے جس کو 2024ء میں ریلیز کے بعد باکس آفس پرناکامی کا سامنا کرنا پڑا جہاں فلم کے شور شرابے والے بیک گرائونڈ میوزک اور دیگر اداکاروں کے کم سکرین ٹائم پر شائقین نے شکایات کیں وہیں حیران کن طور پر اس فلم نے ایک خاص اعزاز حاصل کر لیا ہے جو انٹرنیٹ پر تیزی سے وائرل ہو رہا ہے۔

جنوبی بھارتی مشہور اداکار سوریا کی فلم کانگووا کو آسکر 2025ء کے امیدواروں کی فہرست میں شامل کرلیا گیا۔ سرتھائی شیوا کی کی ہدایتکاری میں بننے والی فلم کو آسکر 2025ء کیلئے مختلف ممالک کی فلم انڈسٹری کی 323عالمی فلموں کے ساتھ امیدواروں کی فہرست میں شامل کیا گیا ہے۔اداکار سوریا کے مداحوں نے سوشل میڈیا پر خوشی کا اظہار کرتے ہوئے اسے فلم کیلئے بڑی کامیابی قرار دیا ہے۔