کیپ ٹائون (این این آئی)پاکستان ٹیسٹ ٹیم کے کپتان شان مسعود نے لیجنڈ کرکٹرز انضمام الحق، مصباح اور یونس خان کو پیچھے چھوڑتے ہوئے بڑا کارنامہ انجام دے دیا۔کیپ ٹاؤن میں کھیلے جا رہے دوسرے اور آخری ٹیسٹ میچ میں پاکستان کی بیٹنگ جاری ہے۔ فالو آن ہونے کے بعد پاکستان نے دوسری اننگ میں شاندار کم بیک کیا۔

شان مسعود نے بابر اعظم کے ساتھ مل کر ڈبل سنچری پارٹنر شپ قائم کی۔ بابر تو 81 رنز بنا کر آؤٹ ہوگئے تھے تاہم شان مسعود سنچری بنانے کے بعد 145 رنز پر آؤٹ ہوئے ہیں۔شان مسعود نے اس میچ میں سنچری کے ساتھ ہی وہ کارنامہ انجام دے دیا جو پاکستان کرکٹ کے لیجنڈ بلے باز انضمام الحق، یونس خان اور مصباح الحق بھی انجام نہ دے سکے۔ شان مسعود جنوبی افریقہ کی سر زمین پر سنچری بنانے والے پہلے پاکستانی کرکٹر بن گئے ہیں۔واضح رہے کہ اس سے قبل کسی بھی پاکستانی بلے باز کا جنوبی افریقی سر زمین پر ہائی اسکور انضمام الحق کا 92 رنز ناٹ آؤٹ تھا جو انہوں نے 2007 میں بنایا تھا۔