ہانگ کانگ (این این آئی )وقت ہمیشہ آگے جاتا ہے مگر نئے سال سے جڑا ہانگ کانگ سے لاس اینجلس کا فضائی سفر مسافروں کو پچھلے سال میں واپس لے گیا۔غیرملکی خبررساں ادارے کے مطابق ہانگ کانگ سے لاس اینجلس جانے والی ائیرلائن کی پرواز CX 880کے خوش قسمت مسافروں نے نئے سال کا جشن دو بارمنایا۔یہ منفرد سفر 2025 میں پرواز کے آغاز اور 2024 میں واپسی کے ساتھ مکمل۔

رپورٹس کے مطابق ہانگ کانگ سے پرواز یکم جنوری سال 2025 کی رات 12 بج کر 38 منٹ پر اڑی اور پھر حیران کن طور پر لاس اینجلس میں 31 دسمبر 2024کو رات 8 بج کر 55 منٹ پر لینڈ کرگئی۔دراصل ہانگ کانگ لاس اینجلس سے وقت میں 16 گھنٹے آگے ہے۔اس لیے جب اس منفرد پرواز کے مسافر فلائٹ میں بیٹھے تو اس وقت ہانگ کانگ میں نیا سال شروع ہوچکا تھا ۔