اسلام آباد(این این آئی)پی ٹی آئی سیاسی کمیٹی کے ہنگامی اجلاس کا اعلامیہ جاری کردیا گیا۔اعلامئے کے مطابق بانی پی ٹی آئی کی ہدایت پر پرامن احتجاجی تحریک کا آغاز 24نومبر کو پاکستان بھر کے ہر شہر سے ہوگا۔

اعلامئے میں کہا گیا کہ تمام قافلے اسلام آباد کی طرف اپنے سفر کا آغاز کریں گے اور یہ تحریک اہداف حاصل کرنے تک جاری رہے گی۔اعلامئے میں کہا گیا کہ بے گناہ قید پارٹی رہنما، کارکنان اور بانی پی ٹی آئی کی رہائی ہدف ہے، 26ویں آئینی ترمیم کی تنسیخ ہمارا ہدف ہے۔اعلامئے کے مطابق 8فروری کے الیکشن کے حقیقی مینڈیٹ کی بحالی ہدف ہے، کمیٹی نے حکومتی بے حسی اور بے بسی کو بھی تنقید کا نشانہ بنایا۔