لندن ،انقرہ(نیوز ڈیسک) ترک فورسز نے فضائی حدود کی خلاف ورزی کرنے پر روسی طیارہ مارگرایا۔ برطانوی میڈیا کے مطابق حریتان کے علاقے میں زوردار دھماکے کی آواز سنی جبکہ تین طیارہ اوپر پرواز کررہے تھے۔ ایک صحافی نے ٹوئیٹ کی کہ روسی فورسز کی طرف سے استعمال ہونیوالے ایم آئی جی 29پراسرارطیارے کو جواب دے رہے تھے۔ واقعہ ایک ایسے وقت پر پیش آنے کی اطلاعات ہیں جب ایک دن قبل ہی دوانجنوں والے ایم آئی جی 29کے ترک شام بارڈر کے قریب گاوں کیلادگی میں آنے پر ایف 16جنگی طیارے چڑھ دوڑے اور واپس شام کی حدود میں دھکیل دیااور روس نے بھی ترکی کی فضائی حدود کی خلاف ورزی کو ایک غلطی قراردیاتھاجبکہ ترکی میں موجود روسی سفیر کو بھی اس اشتعال انگیزکارروائی پر طلب کرکے احتجاج ریکارڈ کرایاگیا۔