اسلام آباد(این این آئی)افغانستان شنگھائی تعاون تنظیم سربرایان اجلاس میں شامل نہیں ہوگا۔سفارتی ذرائع کے مطابق افغانستان کو ایس سی او اجلاس میں شرکت کی دعوت نہیں دی گئی ہے۔ پاکستان نے بطور ایس سی او چیئر افغانستان کی شرکت میں رکاوٹیں نہیں ڈالیں۔

سفارتی ذرائع کے مطابق افغانستان ایس سی او کا ممبر نہیں آبزرور ریاست ہے اور غیر فعال ہے، افغانستان 7جون 2012 کو ایس سی او کا آبزرور بنا اور ستمبر 2021 سے غیر فعال ہے۔امارات اسلامی نے ایس سی او افغانستان معاہدے کی اکثر شقوں کو تسلیم نہیں کیا ہے، امارات اسلامی افغانستان سابق افغان حکومت کو اپنی پیشرو حکومت تسلیم نہیں کرتی۔

سفارتی ذرائع کے مطابق امارت اسلامی کیلئے ایس سی او افغان معاہدے کو تسلیم کرنا ضروری ہے، ایس سی او کے دو آبزرور ممالک افغانستان اور منگولیا ہیں۔سفارتی ذرائع نے بتایا کہ ایس سی او سربراہان اجلاس میں ڈائیلاگ پارٹنرز کو بھی مدعو نہیں کیا گیا، ایس سی او سیکرٹریٹ نے صرف آبزرور رکن منگولیا کو مدعو کیا ہے۔