کراچی(این این آئی)پاکستانی اداکارہ ماہرہ خان کا بالی وڈ گیت ‘لیلا میں لیلا’ پر ماڈلنگ کرتے ہوئے رقص کرنا سوشل میڈیا صارفین کی تنقید کی وجہ بن گیا۔ڈراما ‘ شہرِ ذات’، ‘وہ ہمسفر تھا’ اور ‘بن روئے’ میں اپنی بہترین اداکاری کے جوہر دکھانے والی اداکارہ ماہرہ خان اپنی دلکشی، بہترین اداکاری اور دلچسپ باتوں کے سبب پسند کی جاتی ہیں۔ماہرہ خان چھوٹی چھوٹی باتوں میں خوش ہوجاتی ہیں، وہ کبھی نانی کے قصے تو کبھی اپنے دوستوں کی مستیوں سے متعلق بات کرتی دکھتی ہیں اور مداح ان کی ان ہی باتوں کو سن کر انکے فین ہوجاتے ہیں۔
اداکارہ کو غزلوں اور گانوں سے بھی بہت لگاؤ ہے اور وہ کبھی گانا گنگناتی تو کبھی اس پر رقص کرتی نظر آتی ہیں۔حال ہی میں ماہرہ خان نے فوٹو اینڈ ویڈیو شیئرنگ ایپ انسٹاگرام پر ایک ویڈیو شیئر کی جس میں انکے دوست اور وہ ایک ایک کر کے ‘لیلا میں لیلا’ پر ماڈلنگ کرتے نظر آئے۔ویڈیو کی شروعات میک اپ آرٹسٹ بابر ظہیر سے ہوئی اور سب سے آخر میں ماہرہ خان فلمی انداز میں شوخیاں بکھیرتی نظر آئیں۔اداکارہ نے کیمرے کے قریب آکر ٹھمکے بھی لگائے اور اس کے بعد باہر ایک کمرے میں دیگر لوگوں کے ساتھ ویڈیو بنانے پر خوشی کا اظہار کرتی نظر آئیں۔پوسٹ کے کیپشن میں ماہرہ خان نے لکھا کہ ہم انتھک محنت کرتے ہیں۔ ہم سچ میں کرتے ہیں لیکن آپ کو جب بھی موقع ملے انجوئے کرلینا چاہئے۔انہوں نے ویڈیو میں شامل گانے سے متعلق لکھا کہ اور ہم نے اس نہیں بلکہ کسی اور گانے پر واک کی تھی۔
