اسلام آباد(این این آئی)جماعت اسلامی پاکستان کے سابق سینیٹر مشتاق احمد خان کو حراست میں لے لیا گیا ۔نجی ٹی وی کے مطابق اسلام آباد پولیس نے سربراہ غزہ بچائو مہم مشتاق احمدکو ڈی چوک سے اہلیہ سمیت حراست میں لے لیا ہے۔
پولیس ذرائع کے مطابق مشتاق احمد خان کو دفعہ 144کی خلاف ورزی پر حراست میں لیا گیا۔اس موقع پر پولیس نے ان کے ساتھ جماعت اسلامی کے متعدد کارکنوں کو بھی حراست میں لیا ہے۔تھانہ سیکرٹریٹ پولیس سابق سینیٹر مشتاق اور ان کی اہلیہ کو گاڑی میں بٹھاکر لے گئی۔
