لاہور ( این این آئی) وزیراعلیٰ پنجاب اور آئی جی پنجاب کی خصوصی ہدایت پر سی ٹی او لاہور عمارہ اطہر کا ان پڑھ افراد کے لئے احسن اقدام ،ان پڑھ افراد سے کمپیوٹرائزڈ سائن ٹیسٹ کی بجائے زبانی سائن ٹیسٹ لیا جائے گا ۔

تفصیلا ت کے مطابق سائن ٹیسٹ کمپیوٹرائزڈ ہونے کی وجہ سے ان پڑھ افراد فیل ہوجاتے تھے، ان پڑھ امیدواروں کو لائسنس میں آسانی دی گئی کہ وہ زبانی سائن ٹیسٹ دے سکتے ہیں۔ سی ٹی او لاہور عمارہ اطہر نے زبانی سائن ٹیسٹ کے قواعد وضوابط وضع کردئیے۔ انہوں نے کہا کہ سینٹر انچارج اپنی موجودگی میں ان پڑھ افراد سے بول کر ٹریفک سائنز پوچھے گا، 10میں سے 05درست جوابات پر امیدوار پاس تصور ہوگا، شفافیت اور میرٹ کو یقینی بنانے کے لئے سائن ٹیسٹ اور روڈ ٹیسٹ کی آڈیو/ویڈیو ریکارڈ ہوگی۔ انہوں نے کہا کہ بغیر لائسنس ڈرائیونگ کرنے والوں کے خلاف کریک ڈائون سخت کردیا گیا۔