مکوآنہ ( این این آئی )پسند کی شادی کرنے پر سالے نے بہنوئی کو قتل کردیا ۔ تفصیلات کے مطابق تھانہ ملت ٹائون کے علاقہ گیماں والا چوک میں پسند کی شادی کرنے پر سالے نے بہنوئی کو قتل کر کے خود تھانے جا کر آلہ قتل سمیت گرفتاری دے دی۔253 رب کے رہائشی شاہد اقبال نے ملت ٹائون گیماں والا چوک کی رہائشی طیبہ بتول دختر ذوالفقار نے گزشتہ ماہ کورٹ میرج کی تھی، جس کا اس کے بھائی سبطین کو شدید رنج تھا۔

گزشتہ شب سبطین نے بہنوئی شاہد اقبال کو دھوکہ سے بات چیت کرنے کیلئے گیماں والا چوک کے قریب بلایا اور شاہد اقبال کے آنے پر چھری کے پے درپے وار کر کے شہ رگ کاٹ کر قتل کردیا۔ ملزم نے خود تھانے جا کر گرفتاری دے دی۔پولیس نے نعش قبضہ میں لیکر پوسٹ مارٹم کیلئے ہسپتال منتقل کردی۔ پولیس نے شواہد اکٹھے کرکے قانونی کارروائی شروع کردی۔