اسلام آباد(این این آئی)ہیلتھ سروسز اکیڈمی کے وائس چانسلر پروفیسر شہزاد نے کہاہے کہ ڈبے کا دودھ بچوں کی صحت تباہ کر رہا ہے، ایک سروے میں 80فیصد پاکستانی مائوں نے بتایا انہیں ڈبیکا دودھ پلانے کی تجویز ڈاکٹروں، نرسوں اور ہسپتال کے طبی عملے نے دی۔

ایک تقریب سے خطاب میں ہیلتھ سروسز اکیڈمی کے وائس چانسلر پروفیسر شہزاد نے انکشاف کیا کہ ایک سروے میں 80فیصد پاکستانی مائوں نے بتایاماں کے دودھ کی جگہ ڈبے کادودھ پلانے کی تجویز ڈاکٹروں، نرسوں اورہسپتال کے طبی عملے نے دی۔پروفیسر شہزاد نے کہاکہ ماں کے دودھ کی جگہ ڈبے کا دودھ تجویز کرنے والے چند ڈاکٹر فارمولا ملک کمپنیوں کی ملی بھگت سے کام کرتے ہیں اور کمیشن لیکر ڈبے کادودھ تجویز کرتے ہیں۔وائس چانسلر ہیلتھ سروسز اکیڈمی نے کہاکہ ماں کا دودھ بہترین قدرتی مدافعت دیتا ہے ، ڈبے کے دودھ سے بچوں میں دل، شوگر اور مستقبل میں ذہنی امراض کا خطرہ کئی گنا بڑھ جاتا ہے ، ڈبے کا دودھ بچوں کی صحت تباہ کر رہا ہے۔