لاہور( این این آئی)برکی کے علاقے میں گھریلو ناچاقی پر شوہر نے فائرنگ کرکے 34سالہ بیوی کو قتل کر دیا ، ملزم کو گرفتار کر لیا گیا ۔پولیس کے مطابق برکی گائوں کے آفتاب نامی شخص نے 34سالہ بیوی کو فائرنگ کی ، صوبیہ کو گولی سینے پر لگی جسے ہسپتال منتقل کیا گیا جہاں وہ زخموں کی تاب نہ لاتے ہوئے دم توڑ گئی ۔ ایس پی کینٹ کی ہدایت پر برکی پولیس نے فوری ریسپانس کرتے ہوئے ملزم شوہر آفتاب کو گرفتار کر لیا ۔

ایس ڈی پی او برکی بھاری نفری کے ہمراہ جائے وقوعہ پر پہنچے ۔پولیس اور فرانزک ٹیم کے موقع سے شواہد اکھٹے۔لاش تحویل میں لیکر پوسٹمارٹم کے لیے ڈیڈ ہائوس منتقل کر دی گئی ۔ ایس پی کینٹ اویس شفیق نے کہا کہ مقتولہ کے والد منظور حسین کی مدعیت میں نامزد ملزم آفتاب وغیرہ کے خلاف مقدمہ درج ،قانون ہاتھ میں لینے والوں سے آہنی ہاتھوں نمٹا جائیگا۔علاوہ ازیں لاہور کے علاقہ گلشن راوی اور غازی آباد سے دو افراد کی لاشیں برآمد ہوئی ہیں۔گلشن راوی مون مارکیٹ کے قریب 50سالہ اورغازی آباد بٹ چوک آمنہ مسجد کے قریب سے 35سالہ شخص کی لاش برآمد ہوئی ۔دونوں افراد نشے کی زیادتی کے باعث جاں بحق ہوئے جن کی شناخت نہیںہو سکی۔پولیس اور فرانزک ٹیم کی کارروائی کے بعد لاشیں ایدھی ایمبولینس کے ذریعے مردہ خانے منتقل کر دی گئیں۔