لاہور( این این آئی)اداکارہ میرا نے پیرس اولمپکس میں جیولن تھرو میں گولڈ میڈل جیتنے والے ارشد ندیم کو کرکٹر بنا دیا ۔ سوشل میڈیا پر وائرل ویڈیو میں دیکھا جا سکتا ہے کہ اداکارہ میرا پیرس اولمپکس میں گولڈ میڈل جیتنے والے ارشد ندیم کی کامیابی کے حوالے سے ایک نجی ٹی وی کے رپورٹر سے بات کر رہی ہے ۔
اداکارہ کا کہنا تھاکہ ندیم نے بہت اچھی کرکٹ کھیلی اورپاکستان کا نام روشن کیا ، انہوں نے بہت اچھا کھیلا ، بڑی محنت نظر آرہی تھی ، ان کی جو باڈی لینگوئج تھی اس میں ایمانداری تھی ، ڈسپلن تھا ۔ میں سمجھتی ہوں کہ حکومت کو ہیروز کو تسلیم کرنا چاہیے جو کہ پاکستان کے لئے کھیلتے ہیں ، چاہے فلم انڈسٹری کے لوگ ہوں یا کرکٹ میں ہمارے ہیروز ہیں پاکستانی حکومت ان کی کو تسلیم کرنا چاہیے ۔
