مہیڑ (این این آئی)سندھ کی تحصیل میہڑ کے گاؤں سندھی بٹڑا میں مبینہ طور پر بااثر وڈیرے نے اپنے باڑے میں جانے پر گدھے کی ٹانگ کاٹ دی۔گدھے کے مالک کے مطابق گزشتہ رات گدھا وڈیرے کے باڑے میں چلا گیا تھا، بااثر زمیندار اور اس کے بیٹے نے غصے میں آکر گدھے کی ٹانگ کاٹ دی۔
متاثرہ شخص نے بتایا کہ میرا بیٹا گدھا گاڑی چلا کر روزگار کماتا ہے، رادھن تھانے کی پولیس کو واقعے کی اطلاع کر دی ہے، پولیس نے اب تک کارروائی نہیں کی، گدھا بھی پولیس کے پاس چھوڑ کر آئے ہیں۔دوسری جانب پولیس کے مطابق گدھے کے مالک نے اطلاع دی ہے، ایف آئی آر درج نہیں کروائی، مقدمہ درج ہونے اور تفتیش کے بعد مزید کارروائی ہوگی۔
