ممبئی (این این آئی)بالی وڈ اداکارہ کترینہ کیف کی نیوٹریشنسٹ نے اداکارہ کی ڈائٹ پلان سے متعلق انکشاف کیا ہے۔جیسا کہ سب ہی جانتے ہیں کترینہ کیف کا شمار ان فٹ اداکاراؤں میں ہوتا ہے جو سخت ڈائٹنگ کے ساتھ ساتھ ورزش بھی پابندی سے کرتی ہیں۔بھارتی میڈیا کے مطابق حال ہی میں کترینہ کیف کی نیوٹریشنسٹ (ماہرغذائیت) شویتا شاہ اور یوگا ٹرینر شلوکا نے انٹرویو دیتے ہوئے کترینہ کیف کی ڈائٹنگ کے حوالے سے بتایا۔

بھارتی میڈیا کے مطابق اداکارہ گھر کے بنے کھانے کو ترجیح دیتی ہیں اور باہر کے کھانوں سے گریز کرتی ہیں حتیٰ کہ وہ شوٹنگ میں بھی گھر کا بنا کھانا کھاتی ہیں۔اس کے علاوہ میڈیا رپورٹس میں بتایا گیا ہے کہ اداکارہ خود کو چست رکھنے کیلئے روازنہ دوپہر اور رات کے کھانے کے بعد 100 قدم لازمی چلتی ہیں۔ان کے ڈائٹ پلان میں، لوکی اور آملے کا جوس بھی شامل ہے جب کہ اداکارہ سیاہ کشمش اور سونف کا استعمال بھی کرتی ہیں۔واضح رہے کہ کترینہ نے اپنے فلمی کیرئیر کا آغاز سلمان خان اور عمران ہاشمی کے ساتھ کیا تھا اس کے بعد انہوں نے مختلف ہٹ فلموں میں بڑے ستاروں کے ساتھ کام کیا۔