کراچی(این این آئی)مشہور پاکستانی شیف ناہید انصاری انتقال کر گئیں۔ناہید انصاری مختلف ٹی وی چینلز پر اپنے لذیز کھانوں اور بیکنگ کلاسز کے باعث کافی مشہور تھیں۔

ناہید انصاری شیف ہونے کے ساتھ ٹیچر بھی تھیں اور بہت مہذب اور نرم بولنے والی خاتون تصور کی جاتی تھیں۔ ناہید انصاری کے انتقال کی افسوسناک خبر مشہور پاکستانی اینکر اور میزبان سدرہ اقبال نے شیئر کی۔شیف ناہید انصاری کی نماز جنازہ جمعہ کوبعد نماز عشا فیز 6، خیابان اتحاد، ڈی ایچ اے میں واقع مسجد عائشہ میں ادا کی گئی، جس میں مرحومہ کے عزیزواقارب اور شہریوں کی ایک بڑی تعدادنے شرکت کی بعدازاں انہیںڈی ایچ اے فیز 8 کے قبرستان میں سپردخاک کردیاگیا۔