اسلام آباد(این این آئی)عید سے قبل پیٹرول کے بعد شہریوں کو بجلی کا زوردار جھٹکا،حکومت نے کراچی سمیت ملک بھر کیلئے بجلی مہنگی کردی ۔نیپرا نے بجلی 2روپے 75پیسے فی یونٹ مہنگی کرنے کا نوٹیفکیشن جاری کر دیاجس کے مطابق بجلی رواں مالی سال کی دوسری سہ ماہی ایڈجسٹمنٹ کے مد میں مہنگی کی گئی،صارفین سے اضافی وصولیاں اپریل، مئی اور جون میں کی جائیں گی۔
ریگولیٹری اتھارٹی کے نوٹیفکیشن میں کہا گیا کہ بجلی کی قیمت میں اضافے کا اطلاق کے الیکٹرک صارفین پر بھی ہوگا۔اس اضافے سے صارفین پر 85ارب 20کروڑ روپے کا اضافی بوجھ پڑے گا۔
