اسلام آباد (این این آئی) استنبول سے اسلام آباد آنے والی قومی ائیر لائن پی آئی اے کی پرواز میں اچانک فنی خرابی پیدا ہوئی۔ ترجمان پی آئی اے کے مطابق بوئنگ777طیارے کے لینڈنگ گیئر میں فنی خرابی پیدا ہوئی، طیارہ ٹیکسی وے پر پہنچا تھا کہ لینڈنگ گیئر میں نقص پیدا ہوگیا جس کے بعد کپتان ایمرجنسی بریک لگاکر طیارے کو بورڈنگ برج پر لے گیا اور پرواز پی کے 704 کے مسافروں کو آف لوڈ کرکے لاونج منتقل کردیا۔
پی آئی اے ترجمان کے مطابق طیارہ استنبول ائیرپورٹ پر گراؤنڈ ہے اور انجینئرز کی ٹیم پرزہ جات لیکر استنبول روانہ ہوئی ہے۔دوسری جانب مسافروں کو ترکش ائیر لائن کی پرواز کے ذریعے اسلام آباد پہنچایا گیا ہے۔ پی آئی اے کے ترجمان کے مطابق کچھ مسافروں کو متبادل پرواز کے ذریعے اسلام آباد پہنچانے کیلئے انتظامات بھی کیے گئے ہیں۔
