لاہور( این این آئی)ڈالرز دستیابی میں بہتری پر غیرملکی کمپنی نے کارگو سروس بحال کرنے کا اعلان کر دیا۔انٹرنیشنل کمپنی کی ایک سال سے بندامپورٹ ایکسپریس اور آئوٹ بائونڈ سروس کل ( جمعہ )سے دوبارہ شروع ہوجائے گی،ڈالرز کی عدم دستیابی کے باعث کمپنی نے گزشتہ سال انٹرنیشنل کارگو سروس بند کردی تھی۔

کمپنی کی جانب سے جاری اعلامیے کے مطابق 15مارچ سے امپورٹ ایکسپریس اور آئوٹ بائونڈ 70 کلوگرام سروس دوبارہ شروع کی جارہی ہے،صارفین کا موجودہ امپورٹ ایکسپریس اکائونٹ 15 مارچ کو بحال ہوجائیگا،اکائونٹ بحال ہونے پر 70 کلو گرام سروس بھی فعال ہوجائے گی۔امپورٹ سروس مکمل بند ہونے سے ڈینم انڈسٹری کو سب سے زیادہ مشکلات کا سامنا کرنا پڑا ہے۔