لاہور(آن لائن)پاکستان کر کٹ بورڈ( پی سی بی) نے کیون پیٹرسن اور کرس گیل کی جانب سے انکار کی تردید کردی ہے، جبکہ کیون پیٹرسن نے بھی اس خبر کی تردید ایک ٹوئٹ پیغام میں کی۔اطلاعات کے مطابق انگلینڈ کے کیون ہیٹرسن نے کم معاوضے کے باعث پی ایس ایل کھیلنے سے انکار کر دیا، کرس گیل بھی کم معاوضے پر کھیلنے کے لئے تا حال راضی نہ ہوئے۔ میڈیا رپورٹس کے مطابق کیون پیٹرسن کا کسی بھی لیگ میں کھیلنے کا کم سے کم معاوضہ تین لاکھ ڈالر ہے جبکہ پی ایس ایل کی پلاٹینم کیٹگری کا ذیادہ سے ذیادہ معاوضہ ایک لاکھ چالیس ہزار ڈالر رکھا گیا ہے جبکہ ویسٹ انڈیز کے اسٹار بیٹسمین کرس گیل بھی کم معاوضے کی وجہ سے تاحال پی ایس ایل کھیلنے پر رضا مند نہیں ہوئے۔