اسلام آباد(این این آئی)سٹیٹ بینک آف پاکستان نے یکم رمضان المبارک کو بینکوں میں عام تعطیل کا اعلان کردیاجس کا نوٹیفکیشن جاری کردیا گیا۔سٹیٹ بینک کے مطابق یکم رمضان المبارک 1445ہجری کو عوام سے لین دین کیلئے تمام بینک بند رہیں گے۔
اسٹیٹ بینک کے مطابق یکم رمضان المبارک کو زکوةکی کٹوتی کیلئے بینک تعطیل ہوگی، تمام بینک، ترقیاتی مالی ادارے اور مائیکرو فنانس بینک مذکورہ تاریخ پر عوام سے لین دین نہیں کریں گے۔اسٹیٹ بینک کے مطابق بینکوں، ترقیاتی مالی اداروں،مائیکرو فنانس بینکوں کے تمام ملازمین معمول کے مطابق کام کیلئے دفتر میں حاضر ہوں گے۔
