اسلام آباد(این این آئی)ایک نجی بینک کے افسران اور ایک سرکاری افسر کا نام ای سی ایل میں شامل کردیا گیا۔ذرائع کے مطابق وزات داخلہ نے نیب کی سفارش پر نام ای سی ایل پر ڈالے ہیں۔ذرائع نے بتایاکہ جانک راجہ، سنجے کمار،سراج الدین اور عبدالخالق کے نام ای سی ایل میں شامل کئے گئے ہیں۔

کندھ کوٹ میں نجی بینک کے عملے کی ملی بھگت سے جعلی فیملی پنشن اسکینڈل پکڑا گیا تھا۔ذرائع کے مطابق اسکینڈل میں ملوث چاروں ملزمان نے جعلی فیملی پنشن اکائونٹ کھولا جس قومی خزانے کو 1ارب 11کروڑ روپے نقصان پہنچایا گیا۔ذرائع نے بتایاکہ جعلی فیملی پنشن اسکینڈل میں ملوث افراد کے بیرون ملک فرار ہونے کا خدشہ تھا،نیب نے اسکینڈل کی انکوائری مکمل کرلی، اہم گرفتاریوں کا امکان ہے۔