لاہور( این این آئی) معروف تجزیہ نگار و کالم نویس نذیر ناجی لاہور کے نجی ہسپتال میں زیرعلاج تھے۔نذیر ناجی کی عمر 81 برس تھی ۔نذیر ناجی کو صحافتی خدمات کے اعتراف میں ہلال امتیاز بھی دیا گیا تھا۔وزیر اعلی پنجاب محسن نقوی نے سینئر صحافی نذیر ناجی کے انتقال پر گہرے دکھ اور افسوس کا اظہار کیاہے۔وزیر اعلی محسن نقوی نے اپنے تعزیتی پیغام میں سوگوار خاندان سے دلی ہمدردی و تعزیت کا اظہارکیاہے۔

وزیراعلی محسن نقوی نے نذیر ناجی مرحوم کی صحافتی خدمات کو خراج عقیدت پیش کرتے ہوئے کہاکہ مرحوم کی شعبہ صحافت کے لئے خدمات کو تا دیر یاد رکھا جائے گا۔ وزیراعلی محسن نقوی نے دعا کی کہ اللہ تعالی مرحوم کی روح کو جوار رحمت میں جگہ دے اور غمزدہ خاندان کو صبر جمیل عطا فرمائے۔وزیر اطلاعات پنجاب عامر میر نے بھی معروف صحافی و کالم نگار نذیر ناجی کی وفات پر اظہار تعزیت کرتے ہوئے مرحوم کی صحافت کے شعبے میں خدمات پر انہیں بھرپور خراج عقیدت پیش کیا۔ عامر میر نے کہا کہ شعبہ صحافت کے لیے نذیر ناجی کی خدمات تادیر یاد رکھی جائیں گی۔ عامر میراللہ تعالی نذیر ناجی کے درجات بلند فرمائے اور لواحقین کو صبر جمیل عطا کرے۔