لاہور( این این آئی)پاکستان میں سونے کی آن لائن اور فزیکل خرید و فروخت کیلئے پہلی باضابطہ کمپنی کا قیام عمل میں آگیا۔زکریا گولڈ کموڈٹیز نے ایس ای سی پی اور پاکستان مرکنٹائل ایکسچینج سے سونے کی آن لائن اور فزیکل ٹریڈنگ کا لائسنس حاصل کرلیا۔
کمپنی کے ترجمان کے مطابق آن لائن گولڈ ٹریڈنگ سے سونے کے نرخوں میں سٹہ بازی اوربلیک مارکیٹنگ کا خاتمہ ہوگا،ملک بھرمیں سونے کے یومیہ نرخ بھی اسی کمپنی کی جانب سے جاری کئے جائیں گے۔سونے کے یومیہ نرخوں کے اجرا ء کیلئے کمپنی کے دفتر کے باہربڑی اسکرین بھی نصب کی گئی ہے۔کمپنی کا باقاعدہ افتتاح آج ( منگل )کو متحدہ عرب امارات کے معروف کاروباری گروپ کے چیئرمین ڈاکٹربو عبداللہ کریں گے
