دبئی(نیوز ڈیسک)انٹرنیشنل کر کٹ کونسل کی جانب سے ایک روزہ کرکٹ کی نئی درجہ بندی جاری کرنے کے بعد ویسٹ انڈیز کرکٹ ٹیم 2017کی چمپئین ٹرافی ٹورنامنٹ سے باہر ہوگئی۔ آئی سی سی کی جاری کردہ ایک روزہ میچز کی نئی درجہ بندی کے مطابق ویسٹ انڈیز ٹیم نویں نمبر پر ہے جس کے بعد ٹیم چمپئین ٹرافی سے باہر ہو گئی۔آئی سی سی نے گزشتہ روز ٹاپ 8ٹیموں کے نام جاری کر دیئے ہیں۔جس کے مطابق دفاعی چیمپئن بھارت، پاکستان، سری لنکا، نیوزی لینڈ، آسٹریلیا، انگلینڈ، بنگلہ دیش اور جنوبی افریقہ کی ٹیمیں شامل ہیں۔ 8ملکی ٹورنامنٹ 1جون 2017سے انگلینڈ میں کھیلا جائے گا۔