اسلام آباد (این این آئی)نگران حکومت میں کارمینوفیکچررز کیخلاف بڑے ایکشن کے بعد دیے جانے والے عارضی ریلیف کی مدت ختم ہونے پر کار مینو فیکچررز کیعارضی طور پر بحال لائسنس دوبارہ معطل ہوگئے-میڈیا رپورٹ کے مطابق اس سے قبل وزارت صنعت و پیداوار نے تین بڑی کار کمپنیوں کے معطل شدہ مینوفیکچرنگ لائسنس 31 دسمبر 2023 تک عارضی بحال کئے تھے۔ذرائع وزارت صنعت و پیداوار کیمطابق تین بڑی کارکمپنیوں کے مینوفیکچرنگ لائسنس مستقل بحال کرنے سے متعلق تاحال فیصلہ نہیں ہوا۔ذرائع کے مطابق کار کمپنیوں نے بزنس پلان جمع کرادیا تھا تاہم ابھی تک جمع کرائے گئے پلان پرفیصلہ نہیں ہوا-
ذرائع کے مطابق وزارت صنعت و پیداوار نے کار مینیوفیکچررز کے معطل شدہ لائسنس عارضی طور پر بحال کردیئے تھے اور 31 دسمبر2023 تک کار مینوفیکچررز سے بزنس پلان طلب کیا گیاتھا-اس سے قبل کار منیوفکچررز کیخلاف گاڑیوں کی ایکسپورٹ اور لوکلائزیشن سے متعلق شرائط پوری نہ کرنے پر کارروائی کیتحت تین بڑی کار کمپنیوں کے مینوفیکچرنگ لائسنس معطل کئے گئے تھے-ذرائع وزارت صنعت و پیداوار کے مطابق کارسازکمپنیوں نیگاڑیوں کی مقامی سطح پر پیداوار نہیں بڑھائی اور دو فیصد ایکسپورٹ سے متعلق شرط پوری نہیں کرپائیں-کارساز کمپنیاں گاڑیوں کےآلات واسپیئرپارٹس مقامی سطح پر تیار کرنے کی پابند ہیں۔
