درآمدی گندم آنے کے بعد گندم کی قیمت 100 روپے فی کلو سے بھی نیچے آچکی ہے، آٹے کی قیمت 115 اورفائن آٹے کی 120 روپے فی کلو ہونی چاہئے تھی، چیئرمین ہول سیل ایسوسی ایشن کراچی(این این آئی)کمشنر کراچی نے چینی کے بعد آٹے کی سرکاری قیمتیں بھی مقررکردی ہیں۔کمشنر کراچی کی جانب سے جاری نوٹیفکیشن کے مطابق ڈھائی نمبر راشن کے آٹے کی ہول سیل قیمت 123 روپے، فائن آٹا اور میدے کے ایکس مل ریٹ 130 اور ریٹیل میں ایک 148روپے فی کلو مقررکردی۔ چھوٹی چکیوں کیایک نمبر چکی آٹے کی فی کلو قیمت 140 روپے کردی گئی۔

کمشنرکراچی نے کہا کہ آٹے کی قیمتوں میں پانچ سے 10 روپے فی کلو ریلیف دیا گیا، سرکاری قیمت پرفروخت نہ کرنے والوں کے خلاف کریک ڈائون ہوگا۔دوسری جانب چیئرمین ہول سیل ایسوسی ایشن عبدالرئوف ابراہیم نے کہاکہ درآمدی گندم آنے کے بعد گندم کی قیمت 100 روپے فی کلو سے بھی نیچے آچکی ہے، آٹے کی قیمت 115 اورفائن آٹے کی 120 روپے فی کلو ہونی چاہئے تھی، پہلے ریٹیل مارکیٹ میں آٹا 130سے 140 روپے فی کلوفروخت ہورہا تھا۔