کراچی(این این آئی)پاکستان اسٹاک ایکسچینج دنیاکی تیسری بہترین کارکردگی والی اسٹاک مارکیٹ بن گئی، 100 انڈیکس میں 12.3 فیصد کا اضافہ دیکھنے میں آیا۔تفصیلات کے مطابق آئی ایم ایف سے معاہدے کے بعد پاکستان اسٹاک ایکسچینج نے نئی بلندیوں کو چھوا ہے اور عمدہ کارکردگی دکھاتے ہوئے ایکسچینج دنیاکی تیسری بہترین کارکردگی والی اسٹاک مارکیٹ بن چکی ہے۔اکتوبرمیں 100انڈیکس میں 12.3 فیصد اور 5688 پوائنٹس کا اضافہ نوٹ کیا گیا ہے۔ رواں مالی سال کے4 ماہ میں اسٹاک مارکیٹ میں 25.3 فیصد اضافہ ہوا۔اکتوبرمیں اسٹاک مارکیٹ کیپٹلائزیشن میں 666 ارب، 9.6 فیصد اضافہ دیکھنے میں آیا۔ اکتوبر کے آخر تک مارکیٹ کیپٹلائزیشن 7551 ارب روپے رہی۔