لاہور ( این این آئی) انسداد دہشت گردی عدالت نے سوشل میڈیا ایکٹوسٹ صنم جاوید کو 14 روزہ جوڈیشل ریمانڈ پر جیل بھجوا دیا۔ انسداد دہشت گردی عدالت کی عبہر گل خان نے پی ٹی آئی کارکن اور سوشل میڈیا ایکٹوسٹ صنم جاوید کے جسمانی ریمانڈ کی درخواست پر سماعت کی ۔

صنم جاوید کی وکیل نے جسمانی ریمانڈ کی مخالفت کرتے ہوئے عدالت سے استدعا کی کہ ملزمہ کو مقدمہ سے ڈسچارج کیا جائے، سی سی پی او لاہور ہائیکورٹ میں رپورٹ دے چکے ہیں کہ صنم جاوید کے خلاف 2 کے علاہ کوئی کیس نہیں۔عدالت نے سوشل میڈیا ایکٹوسٹ صنم جاوید کو 14 روزہ جوڈیشل ریمانڈ پر جیل بھجوا دیا، عدالت نے نئے مقدمہ میں جسمانی ریمانڈ کی استدعا مسترد کر دی۔

واضح رہے کیہ تھانہ ماڈل ٹائون میں مسلم لیگ (ن) کا آفس جلانے پر مقدمہ نمبر 366/23 درج ہے، اس سے قبل عدالت نے عسکری ٹاور حملہ کیس سے صنم جاوید کو ڈسچارج کیا تھا، پھر صنم جاوید کی مسلم لیگ (ن) کا آفس جلانے کے کیس گرفتاری ڈالی گئی۔ خیال رہے کہ جناح ہائوس حملہ سمیت 2 مقدمات میں صنم جاوید کی ضمانت ہو چکی ہے۔