اسلام آباد(این این آئی)پاکستان میں مقیم افغانستانی شہریوں کا اپنے وطن واپسی کا سلسلہ مزید تیز ہوگیا ،گزشتہ روز 22 اکتوبر کو 2518 افغان باشندے واپس افغانستان چلے گئے،ان 2518افغان شہریوں میں 522 مرد جبکہ 218 خواتین اور 1778 بچے شامل تھے۔

واضح رہے کہ اب تک 62 ہزار 79 افغان پناہ گزینوں کی افغانستان واپسی ہو چکی ہے۔یاد رہے کہ پاکستان میں غیر قانونی طور پر مقیم افغان باشندوں کی واپسی کا عمل تیز ہو گیا ہے، پشاور، خیبر اور دیگر علاقوں میں افغانیوں نے اپنی جائیدادیں فروخت کرنا شروع کر دی ہیں۔